Oppstart av skeisesesongen 

No nærmar det seg ny skeisesesong i Stord ishall, og Stord IL Skeiser ønskjer både gamle og nye løparar velkomne på isen!

Denne sesongen tilbyr me skøyteskule, og trening for hurtigløp og kunstløp. Det skal vera eit tilbod både for deg som aldri har stått på skøyter før, og for deg som allereie er trygg på isen og ønskjer å utvikla deg vidare.

⛸️ Hurtigløp oppstart 22. september

22. september startar hurtigløpstreningane for aktive løparar og nye løparar som allereie har grunnleggjande ferdigheiter på skøyter.

Har du gått på skøyter før, er trygg på isen og har lyst til å prøva hurtigløp, er du velkommen til å bli med.

På treningane jobbar me mellom anna med skøyteteknikk, balanse, svingar og fart. Som ein del av treningsgruppa får du også moglegheit til å delta på løp, turar og sosiale aktivitetar gjennom sesongen.

Treningstilbod for hurtigløp:

• Tysdag kl. 18.00
• Torsdag kl. 18.00

Har du lyst til å delta på hurtigløpstreningane tar du kontakt med: 

✨ Kunstløp – oppstart 29. september

Kunstløptreningane startar 29. september

For å delta på kunstløp må du ha grunnleggjande ferdigheiter på skøyter og vera trygg nok på isen til å delta på trening.

På kunstløpstreningane får løparane utvikla skøyteteknikk, balanse og ferdigheiter på isen, tilpassa alder og nivå.

Treningstilbod for kunstløp:

• Tysdag kl 18 for barn
• Tysdag kl 19 for ungdom
• Laurdag kl 10 for barn (valfritt)
• Laurdag kl 11 for ungdom (valfritt)

Er du heilt ny på skøyter, startar du på skøyteskulen. Når dei grunnleggjande ferdigheitene er på plass, kan du gå vidare til kunstløp dersom det er det du har lyst til.

Har du lyst til å delta på kunstløptreningane tar du kontakt med 

❄️ Skøyteskule – oppstart 15. oktober

Skøyteskulen er for alle som ønskjer å læra å gå på skøyter og bli tryggare på isen.

Du treng ingen forkunnskapar for å vera med.

Her lærer me dei grunnleggjande ferdigheitene gjennom leik, øving og aktivitet. Me jobbar mellom anna med balanse, å koma seg framover, bremsa, svinga og å kjenna seg trygg på skøytene.

Skøyteskulen passar både for deg som:

• ønskjer å gå vidare med hurtigløp
• har lyst til å prøva kunstløp
• eller rett og slett ønskjer å læra å gå på skøyter og bli trygg på isen

Du treng altså ikkje vita kva du ønskjer å halda fram med når du startar. Det viktigaste er å få eit godt grunnlag på isen.

Skøyteskulen startar 15. oktober kl 17. 

Vil du melde deg på skøyteskule kan du gjere det her: 

https://isonen.no/event/cmtugut9405a4c10158ldf7oj/stord-skeiser-skeiseskule

Kvar skal eg starta?

Heilt ny på skøyter eller ikkje trygg på isen enno?
→ Start på skøyteskulen 15. oktober.

Kan du gå på skøyter og har lyst til å prøva hurtigløp?
→ Hurtigløp startar 22. september.

Kan du gå på skøyter og har lyst til å prøva kunstløp?
→ Kunstløp startar 29. september

Me ønskjer at det skal vera enkelt å prøva skøyteaktivitet, uansett kva ambisjonar du har. Du treng heller ikkje ha alt utstyret på plass før du kjem, ta kontakt med oss dersom du lurer på kva du treng.

Velkommen til ein ny sesong på isen!